Katapusang pagmata SunStar: SuperBalita

DUNAY unom ka mga anak si Lila gikan sa una niyang kapuyo. Anf ikaduha niyang kaapuyo mai si Fred. MGa saksi niini mao ang duha ka mga anak ni Lila nga sila si Jen ug Joey.

Niasoy si Joey sa hitabo miadtong Enero 1, 2012 nga gikamatyan sa ilang inahan.
Si Joey niingon nga natulog siya tupad sa iyang inahan. Nahigmata siya dihang niabot si Fred nga hubog. Sa way igong hinungdan, gipatiran ni Fred si Lila ug gisukmag pa ang biktima kon kini natulog.

Nahigmata si Lila sa gibati niyang kasakit sa pagpanapat sa akusado kaniya. Nagpakiluoy siyang hunungon na ang pagdapat kaniya, apan nagpadayon gyud ang iyang kapuyo sa iyang gibuhat.

Di pa gyud igo, niibot pa kini og kutsilyo sa hitabo, nakahimo pa pagkanaog si Joey aron pahibaw-on ang iyang igsuon nga natulog sa silong sa nahitabo sa ilang inahan. Silang duha nangayog panabang sa ilang mga silingan, nga mao nay ningdakop sa akusado.

Giangkon ni Fred nga iyang gidunggab si Lila, apan kini aron pagpanalipod sa ilang bugtong anak. Matod niya nga naglalis sila sa iyang kapuyo atol sa hitabo. Samtang sila naglalis, gihulga sa biktima ang ilang anak nga iyang patyon hinungdan nga iyang nahimo ang krimen. Iyang gitataw nga self-defense ang iyang gihimo.

Magamit ba ni Fred ang alibi nga self-defense ning iyang kaso nga pagpatay sa iyang kapuyo? Gikinihanglan ba gyud diay patyon ang biktima aron pagpanalipod sa ilang anak? Kana kon tinuod ang iyang gisulti. Kon ikaw ang pahukmon sad-an ba siya sa kason pagpatay?